Mahfilain Lut Gayen Jazbat Ne Dam Tor Dia

Mahfilain Lut Gayen Jazbat Ne Dam Tor Diya,
Saaz Khamosh Hain Naghmat Ne Dam Tor Diya,

Har Mussarat Gham-E-Deeroze Ka Unwaan Bani,
Waqt Ki God Main Lamhat Ne Dam Tor Diya,

An Gint Mahfilain Mahroom Charaghan Hain Abhi,
Kon Kahta Hai Ke Zulmaat Ne Dam Tor Diya,

Aaj Phir Bujh Gaye Jal Jal Ke Umeedon Ke Charagh,
Aaj Phir Taaron Bhari Raat Ne Dam Tor Diya,

Jin Se Afsana-E-Hasti Main Tasalsul Tha Kabhi,
In Mohabbat Ki Rawatat Ne Dam Tor Diya,

Jhilmilatay Huay Ashkon Ki Lari Toot Gayi,
Jagmagati Huyi Barsaat Ne Dam Tor Diya,

Haay Adab-E-Mohabbat Ke Takazay "Saghir",
Lab Hilay Aur Shikayat Ne Dam Tor Diya,